Расследуем карупцыю, выкрываем фэйкі, аналізуем навінавую павестку. БРЦ — чалец глабальнай сеткі журналістаў-расследавальнікаў.
Журналісты БРЦ – лаўрэаты нацыянальнай прэміі «Вольнае слова» Беларускай асацыяцыі журналістаў за расследаванні ў 2018, 2019, 2020, 2021 і 2022 гадах. На «Вольным слове» у 2021 годзе каманда БРЦ атрымала першае месца ў катэгорыі «Аналітыка».
БРЦ з'яўляецца чальцом OCCRP (Цэнтр па даследаванні карупцыі і арганізаванай злачыннасці)
Таксама мы чальцы GIJN (Глабальная сетка журналістаў расследавальнікаў)
У чэмпіянаце свету па сексе перамагла ўкраінка, паведамілі праўладныя медыі Беларусі і Расеі. Ці так гэта
На фота пераможцы ў сацсетцы Х — бландзінка з сіне-жоўтым сцягам.
У Іспаніі прайшоў чэмпіянат свету па сексе. Перамагла ў ім украінка, як сцвярджаюць Рыгор Азаронак і некаторыя расейскія медыі. Каманда Weekly Top Fake праверыла гэтую інфармацыю.
Навіну пра чэмпіянат свету па сексе Рыгор Азаронак абмеркаваў з палітычным аглядальнікам Яўгенам Пуставым 8 красавіка 2024 года ў эфіры «Азаронак. Наўпрост».
«Апошняя навіна ў стужцы: на чэмпіянаце свету па сексе, які прайшоў у Іспаніі, галоўны прыз узяла ўкраінка Алеся Прыходзька», — зачытаў тэкст вядоўца.
На фота пераможцы ў сацсетцы Х — бландзінка з сіне-жоўтым сцягам і сертыфікатам на імя Наўсі Лаў (Nausi Love). У посце пазначана, што яна са Швецыі. Можа падацца, што дзяўчына трымае ўкраінскі сцяг, але на здымку ў поўны рост па размяшчэнні колераў відаць, што сцяг шведскі.
Расейскі «Спорт-экспрэс» называе дзяўчыну шведскай украінкай. Мы знайшлі сайт пераможцы. Там няма інфармацыі пра яе ўкраінскія карані. Дзяўчына піша, што свабодна гаворыць на шведскай і англійскай ды ведае базавую французскую. Пра ўкраінскую мову няма ні слова.
На сайтах эскорту Наўсі Лаў паведамляе, што яна — шведская студэнтка, якая вандруе па свеце. У графе нацыянальнасць напісана шведка.
Мы напісалі дзяўчыне, каб пераканацца, якой яна нацыянальнасці, але на момант публікацыі адказу не атрымалі.
